TƏBİB-in tabeliyindəki Respublika Təcili və Təxirəsalınmaz Tibbi Yardım Mərkəzinin Şəki Təcili və Təxirəsalınmaz Tibbi Yardım Stansiyasının əməkdaşları xidməti ərazidə ağır yaralanan əcnəbi vətəndaşa ilkin tibbi yardım göstərilməsi və onun təxliyəsi zamanı nümayiş etdirdikləri yüksək peşəkarlıq, operativlik və məsuliyyətə görə Dövlət Sərhəd Xidməti tərəfindən fəxri fərmanlarla təltif olunublar.

TƏBİB-dən Aztibb.az-a bildirilib ki, təltif olunan əməkdaşlar Şəki Təcili Tibbi Yardım Stansiyasının böyük həkimi Səfərov Teymur Ənvər oğlu, həkim Nəcəfi Eldar Nəcəf oğlu, böyük feldşer Bayramov Amid Tahir oğlu, tibb bacısı Qarazadə Gülnar Mahir qızı, sürücü Məmmədov Məmməd Umudvar oğlu və Qax Təcili Tibbi Yardım Stansiyasının sürücüsü Abbasov Fərid Vaqif oğludur.

TƏBİB olaraq, insan sağlamlığının qorunması və həyatının xilas edilməsi naminə fəaliyyət göstərən tibb işçilərimizin əməyini yüksək qiymətləndirir, onları əldə etdikləri nailiyyət münasibətilə təbrik edirik.