Qəbizlik böyrək xəstəliklərinin əmələ gəlməsinə səbəb ola bilər. Alimlər bağırsaq bakteriyalarının böyrəklərə patologiya yaratdığını sübut ediblər.

Qəbizlik sadə görünən bir narahatlıq deyil. Xroniki və ya tez-tez baş verən qəbizlikdən əziyyət çəkənlər böyrək xəstəliklərinə yaxalanmaq təhlükəsi altındadırlar.

ABŞ-da xroniki qəbizlik şikayətləri olan 3,5 milyon insanlar arasında araşdırmalar aparılıb. Araşdırmalar zamanı qəbizlik xəstəsi olan insanların əksəriyyətinin böyrək xəstəsi olduğu aşkara çıxıb. Böyrəklərində xəstəlik olan adamlar isə anamnez zamanı uzun müddət qəbizlikdən əziyyət çəkdiklərini söyləyiblər.

Memfis Universitetinin nefroloqları böyrək xəstəliklərini əmələ gətirən bakteriyaların bağırsaqlar səbəbindən orqanizmdə patologiya törətdiyini söyləyirlər. Onlar bu səbəbdən bağırsaq problemlərini həll etməyi və qəbizliyi aradan qaldırmağı tövsiyə edirlər.

Aztibb.az Rusiya KİV-inə istinadən qəbizliyi aradan qaldıran vasitələri təqdim edir:

1. Küncüt toxumunu yediyiniz qidalara və ya salatlara əlavə etsəniz bağırsaqlarınızın yumşalmasına səbəb olur.
2. Çuğundur bəkməzi bağırsaqlardakı möhtəviyyatı asanlıqla yumşaldır.
3. Limonlu ilıq su bağırsaqların fəaliyyətini sürətləndirir.
4. Qatıq həzmin yaxşı getməsinə kömək edən vasitələrdəndir. Yatmazdan əvvəl hər gün 1 stəkan qatıq içmək bağırsaqların normal işləməsinə səbəb olur.
5. Banan yemək bağırsaq fəaliyyətini sürətləndirir, metobolizmə yardımçı olur.
6. Qara gavalının yatmazdan əvvəl suya qoyub, səhərlər suyu içmək və gavalını yemək bağırsaqları boşalması üçün ən yaxşı vasitədir.
7. Göbəkətrafı nahiyəni masaj etməklə bağırsaqlarınızı hərəkətə gətirə və fəaliyyətini sürətləndirə bilərsiniz.
8. Rozmarin, portağal, limon iyləmək bağırsaqların reseptorlarını qıcıqlandırır. Bu bitkilərin dəmləmələri də bağırsaqların yumşalmasına və qəbizliyin aradan qaxmasına səbəb olur.