Qeyd olunub ki, tədbirdən öncə Vətən müharibəsi şəhidi, tibb xidməti leytenantı Adil Əfəndiyevin büstü ziyarət olunub, önünə gül dəstələri düzülüb, əziz xatirəsi ehtiramla anılıb.

 

Tədbir Azərbaycan Respublikasının Dövlət Himninin səsləndirilməsi və şəhidlərimizin xatirəsinin bir dəqiqəlik sükutla yad edilməsi ilə başlayıb. Daha sonra Anım Gününə həsr olunmuş film nümayiş olunub.

 

Tədbirin aparıcısı, Qazax RMX PHŞ-nin direktoru Afiq Fərruxov tədbiri açıq elan edərək Anım Gününün tarixi əhəmiyyətindən danışıb, şəhidlərimizə Allahdan rəhmət, qazilərimizə şəfa diləyib. O, Qazax xəstəxanasının 44 günlük müharibədə ön və arxa cəbhədə göstərdiyi fədakarlıqdan bəhs edib.

 

Tədbirdə Qazax Rayon İcra Hakimiyyətinin başçısı Rəcəb Babaşov giriş sözü ilə çıxış edib.Daha sonra təqaüddə olan həkim, müharibə dövründə xəstəxananın rəhbəri olmuş Sevda Məmmədova,

Qazax RMX PHŞ-də direktor müavini Vasif Məmmədov, şəhid Adil Əfəndiyevin atası Qədir Əfəndiyev, Təcili Tibbi Yardım bölməsinin həkimi Həsən Məmmədov və Müharibə iştirakçıları ilə iş üzrə mütəxəssis Gülən Muradova çıxış ediblər.

 

Sonda Qazax Rayon İcra Hakimiyyəti tərəfindən Vətən müharibəsi dövründə fədakarlıq göstərmiş bir qrup tibb işçisi Fəxri Fərman və hədiyyələrlə təltif olunub.