Beyləqan Rayon Mərkəzi Xəstəxanasının tibb heyəti tərəfindən Hadrut qəsəbə sakinləri üçün növbəti səyyar tibbi müayinə təşkil olunub.

Bu barədə Aztibb.az-a Beyləqan RMX-dan məlumat verilib.

Bildirilib ki, müayinələr zamanı nevroloq, terapevt, kardioloq, pediatr, ginekoloq və laborant mütəxəssislər iştirak edərək sakinlərin sağlamlıq vəziyyətini qiymətləndiriblər. Vətəndaşlara müxtəlif istiqamətlər üzrə tibbi müayinələr aparılıb, zəruri laborator müayinələr həyata keçirilib və sağlamlıqlarının qorunması ilə bağlı müvafiq tövsiyələr verilib.

Səyyar tibbi müayinə zamanı ümumilikdə 17 nəfər sakinə 90-dan çox tibbi xidmət göstərilib.

Bu cür səyyar müayinələrin təşkili əhalinin tibbi xidmətlərə əlçatanlığının artırılmasına, xəstəliklərin erkən aşkarlanmasına və sakinlərin sağlamlıq vəziyyətinin mütəmadi nəzarətdə saxlanılmasına mühüm töhfə verir.