Saniyədə 40 dəfə təkrarlanan işıq və səs stimulyasiyası Alzheimer xəstəliyi ilə mübarizədə yeni müalicə yanaşmasına çevrilə bilərmi?

Aztibb.az "Biomedya" nəşrinə istinadən yazır ki, Massaçusets Texnologiyalar İnstitutunun tədqiqatçılarının apardığı yeni araşdırma göstərib ki, 40 Hz tezlikli işıq və səs stimulyasiyası Alzheimer modeli olan siçanlarda amiloid və tau zülallarının toplanmasını azaldıb, həmçinin yaddaş funksiyalarını yaxşılaşdırıb.

İnsanlar üzərində aparılan ilkin tədqiqatların nəticələri də ümidvericidir. Erkən məlumatlar beyindəki sinir əlaqələrində müsbət dəyişikliklərin baş verdiyini və beyin həcminin azalması sürətinin yavaşlaya biləcəyini göstərir.

Lakin hazırkı elmi sübutlar hələ məhduddur. Bu metodun insanlarda Alzheimer xəstəliyinin müalicəsində effektiv və təhlükəsiz olduğunu təsdiqləmək üçün daha genişmiqyaslı klinik sınaqlara ehtiyac var.

Sadə görünən 40 Hz-lik işıq və səs ritmi gələcəkdə Alzheimer xəstəliyinə qarşı mübarizədə yeni bir istiqamətin əsasını qoya bilər