“Həkimlərimizi tanıyaq” rubrikasında bu dəfə sizə İsmayıllı Rayon Mərkəzi Xəstəxanasının Poliklinika şöbəsində fəaliyyətə başlayan həkim-otorinolarinqoloq Müqəddə Hüseyn qızı Babakişiyevanı təqdim edirik.

Aztibb.az xəbər verir ki, Müqəddə Babakişiyeva 1 yanvar 1960-cı ildə Gürcüstan Respublikasında anadan olub. O, 1977–1983-cü illərdə Azərbaycan Tibb İnstitutunun Müalicə-profilaktika fakültəsində ali tibb təhsili alıb. Təhsilini başa vurduqdan sonra 1983–1984-cü illərdə Şəki Rayon Mərkəzi Xəstəxanasında internatura keçərək otorinolarinqologiya ixtisası üzrə peşəkar fəaliyyətə başlayıb.

Həkim 1988–2025-ci illərdə hazırda Suraxanı Tibb Mərkəzi adlandırılan tibb müəssisəsində həkim-otorinolarinqoloq kimi çalışıb. Uzun illər ərzində qazandığı zəngin klinik təcrübə və peşəkarlığı ilə çoxsaylı pasiyentlərin sağlamlığının qorunmasına töhfə verib.

27 iyul 2026-cı il tarixindən etibarən Müqəddə Babakişiyeva İsmayıllı Rayon Mərkəzi Xəstəxanasının Poliklinika şöbəsində həkim-otorinolarinqoloq vəzifəsində fəaliyyətini davam etdirir.

Onun uzunillik təcrübəsi və peşəkar bilikləri İsmayıllı sakinlərinə göstərilən otorinolarinqoloji xidmətlərin keyfiyyətinin daha da yüksəldilməsinə mühüm töhfə verəcək.