Həkim-psixiatr Əziz Mustafayev sosial şəbəkədə nevroz xəstəliyindən əziyyət çəkən, təşviş pozuntusu olan insanın beynində yaranan fikirlərdən danışıb. Həkim qeyd edib ki, belə insanlar tez-tez özünün və yaxınlarının başına gələcək dəhşətli hadisələri təsəvvürünə gətirirlər. Baş verən hadisələr barəsində dayanmadan və bədbin fikirlər irəli sürür, hər bir məsələnin ən pis tərəfini düşünürlər:

“Nevrozlu insanlar keçmişdə etdikləri səhvlər barədə davamlı olaraq özünü günahlandırır, mənasız və mümkünsüz olan hər şeyi idarə etmək istəyir. Buraya düşüncə, hislər, bədən ilə bağlı sıxıntılar, digər insanların münasibətləri və s. daxildir".