Naxçıvan Dövlət Universitetinin Tibb fakültəsinin tələbələrinin Türkiyənin Dokuz Eylül Universitetində keçdikləri beynəlxalq klinik təcrübə proqramı uğurla başa çatıb.

NDU-dan Aztibb.az-a verilən məlumata görə, təcrübənin sonunda iştirakçılara proqramı uğurla tamamladıqlarını təsdiq edən sertifikatlar təqdim olunub. Bu beynəlxalq təcrübə tələbələrin nəzəri biliklərini praktik bacarıqlarla möhkəmləndirməsinə, müasir tibbi yanaşmalarla yaxından tanış olmasına və peşəkar inkişafına mühüm töhfə verib.

NDU beynəlxalq əməkdaşlıq imkanlarını genişləndirərək tələbələrinə dünya səviyyəli təcrübə qazanmaq üçün yeni imkanlar yaratmağa davam edir.