Yenidoğulmuşlarda yaranan respiratuar distres sendromu, tranzitor taxipnoesi, neonatal pnevmoniya, pnevmotoraks, yaş ağciyər xəstəliyi, ağciyərin anadangəlmə patologiyaları, bronxopulmonar displaziya, mekonium aspirasiya sindromu, kongenital malformasiyalar, diafragma hernisi, abdominal patologiyalar, qaraciyərin kistik anadangəlmə patologiyaları və xüsusən də günümüzün bəlası olan COVID-19 pandemiyası zamanı yenidoğulmuşun pnevmoniyası diaqnozunun zamanında qoyulması çox vacibdir.

Aztibb.az xəbər verir ki, bunu Mərkəzi Gömrük Hospitalının pediatr-neonatoloqu Dr.Telman Aytayev yenidoğulmuşlarda rast gəlinən bütün xəstəliklərin diaqnozunda rentgenoloji müayinənin əhəmiyyəti və ağciyərlərinin müayinəsində diqqət edilməsi zəruri olan məqamlar haqqında təqdimatda danışarkən deyib.

O, bildirib ki, erkən diaqnoz və müalicə xəstəliyə son qoyur. Sağlam cəmiyyət üçün sağlam uşaq böyüdək.

Təqdimat yenidoğulmuşların yumşaq toxumaları ve sümükləri, rentgenoloji müayinənin çəkilmə texnikası ilə bağlı məlumatlarla davam edib.

Dr.Telman Aytayev çıxışında real təcrübəmizdən istifadə edərək Mərkəzi Gömrük Hospitalında müayinə olunan balaca pasiyentlərin rentgenoloji görüntlərindən istifadə edərək, rastlaşdığı nadir hallar haqqında məlumat verib. Çıxışın sonunda Dr.Telman Aytayev iştirakçıların suallarını cavablandırıb və mövzu ətrafında müzakirə aparılıb.