Yardımlı Rayon Mərkəzi Xəstəxanasının təşkilatçılığı ilə rayonun Bərcan kənd tam orta məktəbində şagirlər üçün “Dərsimiz Sağlamlıq” adlı maarifləndirici tədbir təşkil olunub.

 

Xəstəxanadan Aztibb.az-a verilən xəbərə görə, tədbirin əsas məqsədi şagirdlər arasında sağlam həyat tərzinin təbliği, onların fiziki və psixoloji sağlamlığının qorunmasına dəstək olmaqdır.

Görüş zamanı şagirdlərə sağlam qidalanma və rəqəmsal gigiyena mövzularında ətraflı məlumat verilib. Sağlam qidalanma mövzusunda düzgün qida rejimi, faydalı qidaların seçilməsi və gündəlik su qəbulunun əhəmiyyəti diqqətə çatdırılıb.

 

Rəqəmsal gigiyena hissəsində isə telefon və planşetdən düzgün istifadə qaydaları, ekran vaxtının məhdudlaşdırılması, şəxsi məlumatların qorunması və düzgün oturuş vərdişləri barədə məlumat verilib.

 

Sonda şagirdləri maraqlandıran sualları cavablandırılıb və mövzu ətrafında fikir mübadiləsi aparılıb.