Çinin "Sinovac" şirkəti tərəfindən hazırlanan "CoronaVac" adlı peyvəndin 700-dən çox insanın iştirakı ilə aparılan klinik sınaqlarının birinci və ikinci mərhələsində peyvəndin könüllülərdə sürətli immunitet reaksiyasına səbəb olduğu və koronavirusu təsirsiz hala gətirdiyi müəyyən edilib.

Aztibb.az medimagazin.com.tr-yə istinadla xəbər verir ki, şirkətin açıqlamasında "CoronaVac"ın COVID-19-a qalib gəlmiş iştirakçılarda daha əvvəl xəstəliyə yoluxmayanlara nisbətən daha az anticisim istehsal etdiyi bildirilib. Klinik sınaqların nəticələri "The Lancet" elmi jurnalında dərc edilib.

Bundan əlavə, "Sinovac" peyvəndinin üçüncü mərhələsi Türkiyə, İndoneziya, Braziliya və Çində on minlərlə iştirakçı ilə davam edir. İnsanlar üzərində təcrübələrin son mərhələsinin nəticələrinin qarşıdakı həftələrdə açıqlanması gözlənilir.

Peyvənd araşdırmasında iştirak edən tədqiqatçılardan biri olan Zu Fenqçai qeyd edib: “Tədqiqatlarımız "CoronaVac"ın 14 gün fasilə ilə iki doza peyvənd qəbul edən iştirakçılar üçün dörd həftə ərzində lazımi toxunulmazlığı təmin etdiyini göstərdi. Bunun peyvəndin təcili istifadə üçün təsdiqlənməsinə kifayət edəcəyini düşünürük".