Uroloji xəstəliklər arasında bir böyrəyi olan qadınların hamiləliyini ağırlaşdıran ən geniş patologiya xəstələrin 78%-də rast gəlinən pielonefritdir.
Aztibb.az xəbər verir ki, bunu uroloq Ülviyyə Məmmədova hamilə qadınlarda yaranan uroloji xəstəlikdən danışıb.
O, bildirib ki, 2 böyrəyi olan hamilələrin isə 2-20%-də bu pozğunluq aşkar olunur.
"İltihabın daha ağır gedişi nefrektomiyadan sonra müşahidə olunur, bu hal əməliyyatdan 4-5 il sonra infeksiyalaşmaya meylliyin artması ilə əlaqədardır. Böyrək daşı xəstəliyi zamanı təhlükəli ağırlaşma sayılan ekskretor anuriya müşahidə olunarsa təcili olaraq cərrahi müdaxilə aparılır. Hamiləliyin ilk 3 ayında düşük təhlükəsi ən çox rast gəlinən haldır. Hestozların yayılması -1,87, normal lokalizasiyalı ciftin ayrılması -1,96, vaxtından əvvəl doğuş halları-2,46, dölün inkişafının ləngiməsi 2,92 dəfə artır. Prenatal ölüm 6,1%-ə çatır. 39,4% hallarda hestasiya qeysəriyyə əməliyyatı ilə başa çatdırılır.
