Xüsusən artıq çəkidən əziyyət çəkən şəxslər dieta saxlayır və çəkilərini tez-tez yoxlayırlar.

Aztibb.az xəbər verir ki, dietoloq Günel Kərimova tərəziyə çıxarkən diqqət edilməsi şərt olan mühüm nüansları qeyd edib.

Tərəziyə çıxarkən bunlara diqqət edin:

1. Tərəzidə sabit dayanmaq vacibdir. Tərəziyə çıxarkən hər iki ayağınıza da eyni qədər ağırlıq verməlisiniz. Belə olmazsa,tərəzi yanıla bilər.

2. Menstrual tsikl zamanı bədəndə hormonal dəyişiklik baş verir və bədən ödəm yığmağa başlayır. Bu dövürdə göstərən çəki sizi yanıltmasın. Ən azı +700q fərq edir.

3. Tərəzinin qoyulduğu yer sərt və eyni yer olmalıdır. Xalının üzərinə qətiyyən tərəzi qoymaq olmaz. Bu zaman tərəzi sizi yanıldacaq.

4. Ən düzgün çəkilən çəki səhər ac qarına, WC-dən sonra və paltarsız çəkilən çəkidir.

5. Tərəziyə çıxmadan 1 gün əvvəl duzlu yeyib-yemədiyinizə diqqət edin. Əgər siz bir gün əvvəl bol duzlu nəsə yemisinizsə, onda səhər çəkidə tərəzi çox göstərəcəkdir.

6. Axşam saatlarında tərəziyə qətiyyən çıxmayın. Əlbəttə ki, yedikləriniz havaya yox, bədəninizə daxil olur. Bu zaman tərəzi sizi yanıldacaq.

7. İdmandan sonra tərəziyə çıxmayın. Çünki bu zaman siz tərlə bərabər çoxlu su itirdiyiniz üçün tərəzi düzgün çəkini göstərməyəcək.Yəni bu zaman müvəqqəti olaraq çəkiniz az göstərilə bilər.