Parodontit diş ətrafı toxumaların iltihabi prosesidir. O, ən çox yayılmış diş-damağ sistemi xəstəlikləri içində kariyesdən sonra ikinci yer tutur.

Revmatoid artriti olan insanlar tez-tez parodontit və ürək-damar spektri xəstəlikləri ilə rastlaşırlar.

Aztibb.az medikforum.ru-ya istinadla xəbər verir ki, "Arthritis & Rheumatology" jurnalında dərc edilmiş yeni tədqiqatda bildirilir ki, parodontitə səbəb olan müəyyən bakteriyalara immun reaksiyaları pasiyentlərdə ürək-damar xəstəlikləri riskinin artımında rol oynaya bilər.

Tədqiqatın revmatoid artriti olan 197 iştirakçısı arasında ağız boşluğunun yayılmış patogen bakteriyalarına qarşı anticismləri olan insanlarda, həmçinin ateroskleroz əlamətlərinə də rast gəlinib.