Kofedən yanlış istifadə orqanizm üçün zərərlidir.

Aztibb.az www.rbc.ru-ya istinadən xəbər verir ki, bu barədə "Radio Sputnik"ə həkim-endokrinoloq, dietoloq Aleksey Kalinçev bildirib.

"Ənənəvi səhər qəhvəsini heç bir halda ac mədəyə içmək olmaz", - deyə Aleksey Kalinçev xəbərdarlıq edib. Onun sözlərinə görə, bu içkinin acqarına istifadəsi həzm yolunun xroniki xəstəliklərinin kəskinləşməsinə gətirib çıxara, qastritə, mədə yarasına, pankreatitə səbəb ola bilər.

Həkim qəhvənin acqarına istifadəsini "yanlış qida davranışı" ilə əlaqələndirir. İnsanda "sağlam aclıq" hisləri yoxdur, o səhərlər yemək istəmir və gümrahlaşmaq üçün qəhvə içir.