Həkim dermatoloq-kosmetoloq Günay Mikayılova günün sonunda üzə düzgün qulluqdan danışıb.

Aztibb.az xəbər verir ki, həkim ilkin olaraq dəri tipinin düzgün seçilməli olduğunun əhəmiyyətini qeyd edib:

“İlkin olaraq dəri tipinizi müəyyən etməli və ona uyğun qulluq vasitələrindən istifadə etməlisiniz. Kosmetikadan istifadə etmisinizsə, üz təmizləmə südü və 2-li göz təmizləmə məhlulu ilə kosmetikanı silməyiniz, daha sonra dəri tipinizə uyğun üzyuma geli ilə üzünüzü yumağınız tövsiyə olunur”.

G.Mikayılova bildirib ki, dərinizin PH balansını təmin etmək üçün dəri tipinizə uyğun toniklə dərinizi balanslaşdırın, qidalandırıcı və ya nəmləndirici gecə kremini dərinizə çəkin.