Mərkəzi Gömrük Hospitalının həkimləri - “Arxa cəbhə”nin gözəgörünməz qəhrəmanları
25.07.2020 11:14

Mərkəzi Gömrük Hospitalının Alqı-satqı və təchizat şöbəsinin rəisi, tibb üzrə fəlsəfə doktoru Fərid Əliyev: “Bu gün Vətənimiz ağır imtahan qarşısındadır. COVID-19 kabusu başımızın üstündə dolaşmaqdadır. Bütün səhiyyə işçiləri kimi bizim təchizat komandası da koronavirusla mübarizəyə qoşularaq, insanların sağlamlığının keşiyindədir. Əminəm ki, bu gərginliyin və çətinliyin də öhdəsindən layiqincə gələcək, COVID-19 bəlasından birlikdə qurtulacağıq”.

 

Bu gün ən müasir avadanlıqlar və tibbi texnologiyalarla təchiz olunan Mərkəzi Gömrük Hospitalı COVID-19 xəstələrinin xidmətindədir. Bu xidmətin fasiləsiz və yüksək səviyyədə göstərilməsində Alqı-satqı və təchizat şöbəsinin rolu böyükdür.


Dünyanı bürüyən COVID-19 pandemiyasına qarşı bu şöbənin bütün əməkdaşları  gərgin iş rejimində çalışır. Belə ki, şöbənin rəisi, tibb üzrə fəlsəfə doktoru Fərid Əliyevin rəhbərliyi altında provizor-texnoloqlar, eləcə də satınalmalar üzrə mütəxəssislər, anbardarlar, texniklər, inventar üzrə məsul şəxs bu günlərdə intensiv iş rejimində çalışır. Onlar sözün əsl mənasında “arxa cəbhə”nin gözəgörünməz qəhrəmanlarıdır.

 

Xəstəxananın fəaliyyətinin effektiv olması üçün dərman vasitələri, tibbi ləvazimatlar, cihaz və avadanlıqlar, servis, eləcə də xəstələrin qidalanması üçün ərzaq təchizatı çox önəmlidir. Bunların hamısının vaxtı-vaxtında, dəqiq assortimentdə, uyğun miqdarda və lazımi keyfiyyətdə operativ çatdırılması sonda xəstələrə göstərilən xidmətin keyfiyyətinə, xəstələrin sağlamlığına, hospitalın işinin yüksək səviyyədə təşkilinə imkan yaradır.

ÇOX OXUNANLAR
Qaraciyərin düzgün işləməməsinin ƏLAMƏTLƏRİ  
Təbii vasitə 12 həftə ərzində 8 kiloqrama qədər arıqladır
Buğda cücərtisi gənclik iksiri kimi də bilinir
Təcili tibbi yardım briqadasının yardımı ilə 66 yaşlı xəstə Mərkəzi Klinik Xəstəxanaya hospitalizasiya olunub
Şuşa Rayon Mərkəzi Xəstəxanasının ginekoloqu Şəbnəm Baxşəliyeva - Həkimlərimizi tanıyaq!
Şahdamara stend taxıla bilərmi?
Uzman həkim Şiraslan Baxşəliyev Gəncə Beynəlxalq Xəstəxanasında pasiyentləri qəbul edəcək
Masallı Rayon Mərkəzi Xəstəxanasının otorinolarinqoloqu Kamran Musayev - Həkimlərimizi tanıyaq!
Qaradağ Tibb Mərkəzində daha bir uğurlu əməliyyat icra olunub
Böyrək daşı xəstəliyi nədir və necə yaranır?
Uşaq cərrahı Günel Əmiraslanova Şəkidə Bonum Medicalda pasiyent qəbulu həyata keçirəcək
Sürətli döyüntünün tək səbəbi ürək deyil!
Regionlarda fəaliyyət göstərən peşəkar səhiyyə işçilərini tanıtmaqda davam edirik!
Ağır vəziyyətdə Respublika Uşaq Klinik Xəstəxanasına yerləşdirilən 2 yaşlı uşaq həyata qaytarılıb