Təbii yolla dünyaya gəlmiş uşaqlar doğum zamanı ilk bakteriyaları alırlar. Qeysər kəsiyinin köməyi ilə doğulan uşaqlar isə bu bakteriyaların təsirinə məruz qalmır, onların mikroflorası natamam olur. Bu halda bağırsaq florası uşağın həyatının ilk ilində onun xarici mühitin müxtəlif təsirlərinə məruz qalması nəticəsində yaranır.

Bəzi uşaqlarda isə bu, yalnız həyatlarının birinci ilindən sonra baş verir.

Aztibb.az meddaily.ru-ya istinadla xəbər verir ki, bu halda astmanın inkişafı riski demək olar ki, 3 dəfə artır. Uşaqların bağırsaqlarında aşkar edilmiş yüzlərlə bakteriyaların arasından tədqiqatçılar qeysəriyyə ilə doğulan uşaqların mikroflorasına çatışmayan 5-dən 10-a qədər tip müəyyən etməyə müvəffəq olublar.

Danimarkanın Uşaq Astma Mərkəzi və Kopenhagen Universiteti tərəfindən aparılmış tədqiqatlar göstərib ki, qeysər kəsiyi yolu ilə doğulmuş uşaqlarda astmaya rast gəlinməsi mikroflorada pozulmalarla bağlıdır.

Son tədqiqat çərçivəsində həyatın birinci ilində 700 uşağın bağırsaq mikroflorasının analizi aparılıb.

Beləliklə, bağırsaq florasının vəziyyəti təxminən bir yaşlı uşaqlarda astmanın inkişafı üçün həlledici amildir. Bu səbəbdən probiotiklərdən istifadə astmanın inkişafının qarşısını ala bilər.