İtaliyada koronavirusa yoluxanların sayı sürətlə artmaqda davam edir və gündəlik yoluxma sayı 34 min nəfərə çatıb.

Aztibb.az xəbər verir ki, bazar günü COVID-19 xəstəliyi ilə əlaqədar ölənlərin sayı 546 nəfərə bərabər olub. Bununla da pandemiya başlayandan indiyədək bu ölkədə ölüm hallarının sayı 45229 nəfərə çatıb.

Hazırda İtaliyada aktiv COVID-19 xəstələrinin sayı 712490 nəfərdir, onlarda 32047 nəfəri xəstəxanalarda müalicə alır. Reanimasiya şöbələrinə yerləşdirilən xəstələrin sayı isə 3422 nəfərə çatıb.

Fransada son sutkada COVID-19 pandemiyasından xəstəxanalarda 508 ölüm faktı qeydə alınıb.

Xəstəxanalarda 33 497 koronavirus xəstəsi müalicə alır.

Ölkədə koronavirus qurbanlarının ümumi sayı 45 054-ə çatıb. Bu ölüm hallarının 31315-i xəstəxanalarda, 13739-u isə qocalar evlərində qeydə alınıb. Ölkədə ümumi 1991233 yoluxmadan 9406-sı son sutkada aşkarlanıb.

Braziliyada son sutka ərzində daha 13 371 nəfərin koronavirus infeksiyasına yoluxması, 216 nəfərin isə bu virusdan ölməsi təsdiqlənib.

İndiyədək Braziliyada koronavirusa ümumilikdə 5 876 464 nəfər yoluxub. Bu müddət ərzində 166 014 koronaviruslu xəstə dünyasını dəyişib.