Bakı Sağlamlıq Mərkəzində 26 İyun – Silahlı Qüvvələr Günü münasibətilə tədbir keçirilib.

Mərkəzdən Aztibb.az-a bildirilib ki, əvvəlcə Azərbaycan Respublikasının Dövlət Himni səsləndirilib. Daha sonra Ulu Öndər Heydər Əliyevin və Vətənimizin azadlığı, ərazi bütövlüyü uğrunda canından keçmiş şəhidlərimizin əziz xatirəsi bir dəqiqəlik sükutla yad edilib.

Açılış nitqi ilə çıxış edən Mərkəzin İcraçı direktoru, dos. Asiman Həsənov bildirib ki, bu əlamətdar gün xalqımızın orduya, əsgərə və vətənpərvərlik dəyərlərinə verdiyi yüksək qiymətin bariz ifadəsidir. O, Azərbaycanın müasir ordusunun formalaşmasında göstərilən dövlət qayğısından bəhs edərək, 44 günlük Vətən müharibəsində ordumuzun nümayiş etdirdiyi qəhrəmanlığı xüsusi vurğulaylb.

Direktor qeyd edib ki, şəhidlərimizin əziz xatirəsi xalqımızın qəlbində daim yaşayacaq və onların göstərdiyi igidlik gələcək nəsillərə örnək olacaq.

Asiman Həsənov, həmçinin Bakı Sağlamlıq Mərkəzinin kollektivinin dövlətə, orduya və milli dəyərlərə daim sadiq olduğunu bildirib.