Naxçıvan Muxtar Respublikası Səhiyyə Nazirliyi və Naxçıvan Dövlət Universitetinin birgə təşkilatçılığı ilə universitetin Tibb Fakültəsinin 25 illik yubileyinə həsr olunmuş tibbi aksiya keçirilib.
Bu məlumat Aztibb.az-a Naxçıvan MR Səhiyyə Nazirliyindən verilib.
Bildirilib ki, aksiya Naxçıvan Muxtar Respublikası Perinatal Mərkəzində və Naxçıvan Sağlamlıq Mərkəzində təşkil olunub. Tədbir çərçivəsində Türkiyə Respublikasından və Bakı şəhərindən dəvət olunmuş ixtisaslı mütəxəssis həkimlər tərəfindən müxtəlif tibbi sahələr üzrə vətəndaşların müayinələri aparılıb, ilkin diaqnostik qiymətləndirmələr həyata keçirilib.
Tibbi aksiyanın keçirilməsində məqsəd əhaliyə peşəkar tibbi xidmətlərin göstərilməsi, profilaktik sağlamlıq müayinələrinin təşviqi və beynəlxalq tibbi əməkdaşlığın genişləndirilməsi olub.
