Şirvan şəhərində üzüm təngindən yıxılma zamanı ağır xəsarətlər alan 1970-ci il təvəllüdlü kişi cinsli pasiyent Şirvan Şəhər Mərkəzi Xəstəxanasına yerləşdirilib və ilkin baxışdan sonra Respublika Neyrocərrahiyyə Xəstəxanasının həkim-neyrocərrahları Rövşən Bağırov, Etibar İdrisov və həkim-rezident Şəhriyar Səlimli konsilium üçün Şirvana dəvət olunub.

Bu barədə Aztibb.az-a Respublika Neyrocərrahiyyə Xəstəxanasından məlumat verilib.

Bildirilib ki, açıq kəllə-beyin travması, sağ təpə sümüyünün hərəkət zonasına nüfuz edən basılmış qəlpəli sınığı diaqnozu ilə Op. Dr. Rövşən Bağırov və Ass. Dr. Etibar İdrisov, Ass. Dr. Şəhriyar Səlimli tərəfindən onun üzərində təcili cərrahi əməliyyat icra olunub.

Hazırda pasiyentin müalicəsi Şirvan Şəhər Mərkəzi Xəstəxanasında davam etdirilir, huşu aydındır, hərəkətləri tam bərpa olunub və nevroloji defisit müşahidə edilmir.