Rusiyanın mobil operatoru "MegaFon" şirkəti dövlət və özəl tibb müəssisələrinin xəstələrə onların sağlamlığını izləmək üçün yeni xidmət təqdim etməsinə imkan verən həll təqdim edib. Bu xidmət klinikanı ziyarət etmədən sağlamlığı izləməyə və vəziyyət pisləşdiyi təqdirdə vaxtında həkimə müraciət etməyə imkan verəcək.

Aztibb.az remedium.ru resursuna istinadla xəbər verir ki, SİM kartlarla təchiz edilmiş tibbi qurğular, sağlamlıq göstəricilərini (məsələn, arterial təzyiqi, qanda şəkərin səviyyəsini) ölçdükdən sonra bu məlumatları avtomatik olaraq "MegaFon Buludu"na ötürür və burada tibbi əşyalar interneti platformasında toplanır. Şəxsi məlumatlar yalnız həkim tərəfindən qərarlar interfeysində görülür. Xəstənin hədəf və cari göstəriciləri, eləcə də digər müalicə həkimlərinin adları göstərilir. Burada, həmçinin onlarla görüş təyin etmək mümkündür.

Distant monitorinq sistemi xroniki xəstəlikləri olan, o cümlədən əməliyyat keçirmiş pasiyentlər və yaşlılar arasında daha tələb olunandır. "MegaFon" platforması həkimə xəstənin göstəricilərinə daimi giriş imkanı verir. Məlumatlar əsasında tez bir zamanda dərman terapiyasını tənzimləmək, əməliyyatdan sonrakı ağırlaşmaları təyin etmək, mənfi bir tendensiya müşahidə edilərsə görüş təyin etmək, xəstə üçün təcili yardım çağırmaq mümkündür.

“Xəstə ölçmə aparmağı unudarsa, xidmət ona xatırlatma SMS-i göndərəcək”, – deyə "MegaFon"un Korporativ biznesin marketinqi üzrə direktoru Pavel Zaxarov bildirib.