Akademik Mirməmməd Cavadzadə adına Respublika Kliniki Uroloji Xəstəxanasında 16 yaşlı uşaq pasiyent (kişi cinsli) üzərində uretere anastomoz əməliyyatı uğurla həyata keçirilib.

 

Xəstəxanadan Aztibb.az-a verilən məlumata görə, pasiyent uzun müddətdir qarın və bel ağrılarından, hematuriyadan əziyyət çəkib.

 

Xəstəxanaya müraciət etdikdən sonra aparılan zəruri müayinələr nəticəsində pasientdə vərəm mikobakteriaları tapıldığına görə fitiziatıra göndərilmiş konservativ və stasionar müalicələr alıb, ona sağ sidik axarının daxili qalça arteriyası proyeksiyasında daralması diaqnozu qoyulub. Daha sonra sağ sidik axarının 4 sm uzunluğunda dar seqmenti rezeksiya olunub, laparoskopik appendektomiya, sistoskopik müayinədə sağ sidik axarına stendin taxılması, obustruksiya olan nahiyyəyə appendiksin interpozisiya olunması, ekstrapertanal sahədə appendiks uretere anastomoz fleb icra olunub.

 

Respublikada ilk dəfə Akademik Mirməmməd Cavadzadə adına Respublika Kliniki Uroloji Xəstəxanasının Pediatrik Urologiya şöbəsinin müdiri, t.ü.f.d Rəfael Soltanov tərəfindən pasiyentə appendiks uretere anastomoz rekonstruktiv əməliyyatı icra olunub.

 

Hazırda pasiyent stasionar müalicəsini davam etdirir.