Hər il mayın 20-si travmatoloqların peşə bayramı - Ümumdünya Travmatologiya Günü kimi qeyd olunur.

Aztibb.az xəbər verir ki, travmatologiya yara və zədələri, onların qarşısının alınması və müalicə üsullarını öyrənən elmdir.

Travmatologiya tibbin müxtəlif sahələri ilə əlaqədardır və zədənin lokalizasiyası, yəni mexaniki təsir nəticəsində zədələnmiş bədənin və ya orqanın həmin hissəsinin, zədələnmə şəraiti, habelə onun mümkün nəticələri, xəstənin ümumi vəziyyətini, xroniki xəstəlikləri, əks göstərişləri və sair araşdırır. Septik, irinli, yanıq cərrahiyyəsi, neyrocərrahiyyə, flebologiya, hematologiya və digər tibb sahələri travmatologiya ilə sıx bağlıdır.

Travmatologiyada, xəsarətin xarakterindən asılı olaraq, konservativ və cərrahi müalicə üsulları - fiksasiya, o cümlədən gips sarğısının qoyulmasından, dartılma üçün xüsusi cihazların quraşdırılmasından başlamış mürəkkəb cərrahi əməliyyatlara qədər tətbiq olunur.