08 may 2025-ci il tarixində saat 18:00 radələrində Respublika Təcili və Təxirəsalınmaz Tibbi Yardım Mərkəzinə Bakı şəhəri, Yasamal rayonu ərazisindən təcili çağırış daxil olub.
Mərkəzdən Aztibb.az-a verilən məlumata görə, çağırış ünvanına təcili tibbi yardım briqadası cəlb edilib.
Hadisə yerində Təcili tibbi yardım həkimi Günay Qazıyeva tərəfindən 34 həftəlik hamilə olan 25 yaşlı qadının vaxtından əvvəl başlayan doğuş prosesi peşəkar şəkildə həyata keçirilib. Doğuşun ilkin mərhələsi birbaşa yaşayış ünvanında icra olunub, daha sonra isə proses təcili tibbi yardım avtomobilində nəzarətdə saxlanılıb.
Təcili tibbi yardım briqadası tərəfindən ana və yenidoğulmuş oğlan uşağı zəruri ilkin tibbi yardım göstərildikdən sonra müvafiq tibb müəssisəsinə təxliyə olunub.
Hazırda ananın müalicəsi xəstəxanada davam etdirilir, vəziyyəti stabildir. Çəkisi 2 kq. 500 qr., boyu 49 sm olan körpənin də müalicəsi davam etdirilir və vəziyyəti qənaətbəxşdir.
