Ümummilli Lider Heydər Əliyevin anadan olmasının 102-ci ildönümü münasibətilə Sumqayıt Tibb Mərkəzinin 2 nömrəli Xəstəxanasının həyətyanı sahəsində ağacəkmə aksiyası təşkil olunub.
Mərkəzdən Aztibb.az-a bildirilib ki, tədbirdə Sumqayıt Şəhər İcra Hakimiyyətinin nümayəndələri, tibb müəssisəsinin rəhbərliyi və tibbi heyət iştirak edib. Aksiya çərçivəsində 200 ədəd müxtəlif növ ağac əkilərək yaşıllıq zonası genişləndirilib.
Qeyd edək ki, ümumilikdə STM-nin tabeliyində olan tibb müəssisələrində keçirilən ağacəkmə aksiyaları çərçivəsində 300-dən çox ağac və gül kolları əkilib.
Ulu Öndərin əziz xatirəsinə ehtiram əlaməti olaraq keçirilən aksiya yaşıllıq sahələrinin artırılması və ekoloji mühitin sağlamlaşdırılmasına töhfə vermək məqsədi daşıyır.
