Cinsi zəiflik baş verdikdə buna laqeyd qalmaq olmaz. Çünki cinsi zəiflik bir çox hallarda çox ağır bir xəstəliyin – məsələn, təzəcə başlamış bədxassəli şiş xəstəliyinin, qalxanabənzər vəzi xəstəliklərinin, adenomanın, şəkərli diabetin, vərəmin və s.  ilk əlaməti ola bilər. Statistikaya görə cinsi zəifliyi olan kişilərin  10 nəfərindən yalnız biri həkimə müraciət edir.

Cinsi əlaqənin baş verməsində təkcə cinsiyyət üzvləri deyil, beyin, ürək, damarlar, sinirlər, hormonlar, əzələlər və digər orqanlar iştirak edir. Bu sistem birlikdə fəaliyyət göstərərək cinsiyyət üzvünün qanla dolmasını təmin edir. Bu orqanların birinin və ya bir neçəsinin nasazlığı cinsi zəifliyə səbəb olur.

Belə ki, cinsi zəifliyin üzvi (bədənə aid) səbəbləri olduqca müxtəlifdir. Bu səbəbləri isə şərti olaraq birbaşa və dolayısı ilə təsir edən səbəblərə bölürlər.

Aztibb.az həmin səbəbləri təqdim edir:

Birbaşa səbəblər:

✔Prostat vəzi problemləri
✔2-ci tip Şəkərli Diabet
✔Hipoqonadizm (endokrinoloji – hormonal çatışmazlıqdır)
✔Yüksək qan təzyiqi – hiperenziya
✔Damar xəstəlikləri və zədələnmələri
✔Qanda xolesterinin yüksək olması
✔Yüksək sıxlıqlı protein çatışmazlığı
✔Xroniki yuxu pozulmaları
✔Dərmanlar (məsələn, qan təzyiqi dərmanları)
✔Sinir xəstəlikləri
✔Peyroni xəstəliyi (penisin zədələnməsi)
✔Priaprizm (penisin qeyri normal, ağrılı sərtləşməsi)
✔Depressiya
✔Alkoqolizm və narkomaniya
✔Seksual təcrübəsizlik və ya yanlış seksual metod
✔Cütlərarası münasibətin pis olması
✔Siqaretə həddindən ziyadə aludəlik
✔Parkinson xəstəliyi
✔Sirroz
✔Uretrit
✔Onurğa beyni zədələnməsi
✔Bədxassəli şişlər və s.