Türkiyədəki könüllü tibb işçiləri üzərində sınaqdan keçirilmiş "Sinovac" şirkətinin Çin peyvəndi olaraq bilinən "CoronaVac" vaksininin üçüncü mərhələsi müsbət nəticə verib.

Aztibb.az medimagazin.com.tr-yə istinadla xəbər verir ki, ölkə daxilində 700 və Diyarbəkırda isə təxminən 80 səhiyyə işçisi könüllü olaraq peyvənd olunub.

Diclə Universiteti Yoluxucu Xəstəliklər Bölümü rəhbəri və Rayon Pandemiya İdarə Heyəti Üzvü prof. Dr. Mustafa Kamal Çelen Diyarbəkirdə peyvənd edilən iki səhiyyə işçisinin anticisim nəticələrinin müsbət olduğunu açıqlayıb.

Peyvənd olunan şəxslərdə ciddi bir yan təsirə rast gəlinmədiyini qeyd edən M. Çelen bunun çox sevindirici bir hadisə olduğunu bildirib.