Sağlam dəri və gözəl saçlar üçün düzgün qidalanmaq əsas şərtdir.

Atibb.az xəbər verir ki, həkim-kosmetoloq Leyli Məmmədova qəbul edilməsi məsləhətli olan qidalar və onların müsbət təsirlərindən danışıb. 

Həmin qidaları təqdim edirik:

⠀
1. Yağlı balıq

Bu növ balığın tərkibində böyük miqdarda sağlamlıq üçün əvəzolunmaz OMEGA-3 mövcuddur. O, orqanizmin düzgün işləməsi üçün çox vacibdir. Saçlarınız üçün çox faydalıdır.⠀
⠀

2. Yaşıl yarpaqlı tərəvəzlər

Ən fayalısı ispanaqdır. Vitamin C, E və beta-karatinin mənbəyi olduğu üçün dərini cavan, təravətli və canlı saxlayır.
⠀

3. Badam

Sağlamlığını və gözəlliyini düşünənlər bilir ki, məhz badam Omega-3, Omega-6. Vitamin E, gözəllik və cavanlıq vitamini Biotin mənbəyidir.
⠀

4. Tərəvəzlər

Pomidor qocalmanın qarşısını alan likopin antioksidantının mənbəyidir. Şirin bibərdə isə vitamin C limondan da çoxdur (vitamin C kollagenin ifrazını tənzimləyir)
⠀

5. Giləmeyvələr

Giləmeyvələrin tərkibində dərini cavanlaşdıran çox sayda vitaminlər və mikroelementlər var.
⠀

6. Süd məhsulları

Probiotiklə zəngin olan yoqurt, qatıq və başqaları həzmi yaxşılaşdırır, bədəndə müxtəlif prosesləri normaya salır həmçinin dərinin keyfiyyətini yaxşılaşdırır.
⠀

7. Meyvələr

Faydalı və dadlı alma, C vitaminlə zəngin kivi, magnezium tərkibli banan – bunların hamısı nəinki bizi sağlam edir həm də dərimizi gözəlləşdirir.
⠀

8. Kakao və qara şokolad

Az miqdarda yüksək kakao tərkibli qara şokolad dəriyə, saça və dırnaqlara çox gözəl təsir göstərir.