Bu dərman bitkiləri COVID-19 xəstəliyinə qarşı immunitetin yaranmasına kömək edir - Mərkəzi Nəbatat Bağından açıqlama
24.07.2020 16:33

Dərman bitkiləri ilə müalicə bir çox ölkələrdə, o cümlədən Azərbaycanda vüsət alıb. Statistikaya görə, XX əsrin axırlarına yaxın dərman bitkiləri ilə müalicə 30% tətbiq olunduğu halda, müasir dövrdə bu göstərici 50%-dən artıq təşkil edir. Dünyada geniş yayılmış koronavirusla mübarizədə immuniteti gücləndirən qidalara üstünlük vermək virusun qarşısını almaq üçün ən doğru yoldur. Bizi əhatə edən ətraf mühitdə olan patogen mikroorqanizmlər bədənə düşdükdə bölünüb-çoxalır və orqanizmi xəstələndirirlər. Bu çoxalmanın qarşısı alınmazsa patogenlər orqanizmi məhv edə bilər.

 

Bu fikirləri Aztibb.az-a müsahibəsində Azərbaycan Milli Elmlər Akademiyasının Mərkəzi Nəbatat Bağının Nadir və nəsli kəsilməkdə olan bitkilər laboratoriyasının elmi işçisi, biologiya üzrə fəlsəfə doktoru Aynur Ərəbzadə bildirib.

 

İnsan orqanizminin bakteriya və viruslara, eləcə də COVID-19 xəstəliyinə qarşı davamlı olması üçün tərkibi qida elementləri ilə zəngin dərman bitkilərindən istifadənin zəruriliyi məsələləsinə toxunan mütəxəssis Mərkəzi Nəbatat Bağının dərman bitkiləri kolleksiyasında viruslara qarşı mübarizədə istifadə olunan dərman bitkilərinin toplandığını vurğulayıb.

 

O, bildirib ki, kolleksiyada olan meşə əməköməcisi, adi mollabaşı, ikievli gicitkən, dərman qulançarı, adi dəvədabanı, nanə, adi boymadərən, adi qaraot, qaraqınıq, adi zirə, dərman bədrənci, dərman bəlğəmotu, iri atpıtrağı, qara gəndəlaş, zərif meşənovruzu, uca andız, zəif dazıotu, amerika çiçəbaharı, böyük bağayarpağı, dərman pişikotu bir çox viruslara, o cümlədən koronavirusa qarşı effektiv təsirə malikdir:

 

“Bir çox xəstəliklərin profilaktika və müalicəsində geniş istifadə olunan bu bitkilər antibakterial, iltihabi proseslərə qarşı təsirə malik olub, xüsusilə ağciyər xəstəliklərində əhəmiyyətlidir. Bitkilərin tərkibindəki farmakoloji aktiv maddələr (karotinoidlər, flavonoidlər, aldehidlər, alkaloidlər, şəkərlər, polisaxaridlər, taninlər və s.) insan və heyvan orqanizminə farmakoloji və toksiki təsir göstərir”.

 

A.Ərəbzadənin sözlərinə görə, tədqiq olunan bitkilərin tərkibində A, B, C, D, K C, PP vitaminləri, zülallar, kalsium, flor, fol turşusu, sink, dəmir, mis və selen elementlərinin  birləşmələri  mövcuddur. Bu maddələr immun sistemini gücləndirir və orqanizmin xəstəliklərə qarşı müqavimətini artırır.

 

 

 

ÇOX OXUNANLAR
Qaraciyərin düzgün işləməməsinin ƏLAMƏTLƏRİ  
Təbii vasitə 12 həftə ərzində 8 kiloqrama qədər arıqladır
Buğda cücərtisi gənclik iksiri kimi də bilinir
Təcili tibbi yardım briqadasının yardımı ilə 66 yaşlı xəstə Mərkəzi Klinik Xəstəxanaya hospitalizasiya olunub
Şuşa Rayon Mərkəzi Xəstəxanasının ginekoloqu Şəbnəm Baxşəliyeva - Həkimlərimizi tanıyaq!
Şahdamara stend taxıla bilərmi?
Sürətli döyüntünün tək səbəbi ürək deyil!
Masallı Rayon Mərkəzi Xəstəxanasının otorinolarinqoloqu Kamran Musayev - Həkimlərimizi tanıyaq!
Uşaq cərrahı Günel Əmiraslanova Şəkidə Bonum Medicalda pasiyent qəbulu həyata keçirəcək
Regionlarda fəaliyyət göstərən peşəkar səhiyyə işçilərini tanıtmaqda davam edirik!
Böyrək daşı xəstəliyi nədir və necə yaranır?
Ağır vəziyyətdə Respublika Uşaq Klinik Xəstəxanasına yerləşdirilən 2 yaşlı uşaq həyata qaytarılıb
Qastroezofageal reflüks xəstəliyindən əziyyət çəkən pasiyent Diaqnoz Tibb Mərkəzində sağlamlığına qovuşub
Naftalan Şəhər Mərkəzi Xəstəxanasının nevroloqu Təranə Bayramova - Həkimlərimizi tanıyaq!
Ağdaş Rayon Mərkəzi Xəstəxanasının uroloqu Pərviz Nəsirov - Həkimlərimizi tanıyaq!