"Müasir tibbin təqdim etdiyi ən ziyansız müalicə üsulu lazerlə müalicədir. Aylarla daxili müalicə zamanı dərman qəbul edərək daxili orqanlara ziyan vurmaq əvəzinə, lazerlə müalicəni tövsiyyə edirik".

Aztibb.az xəbər verir ki, bunu dermatoloq Günay Məmmədova dırnaq göbələyinin müalicəsindən danışarkən deyib.

"Protokola əsasən 10 seansa qədər müalicə tövsiyyə olunur. Prosedur əsnasında dırnağın temperaturu 42-43 dərəcəyə çatdırılır və bu istilikdə dırnaqda göbələk mitseliləri məhv olur", - dermatoloq qeyd edib.

O, bildirib ki, göbələkli dırnaqlarda inkişaf çox zəif olduğundan, bir il ərzində zədəli dırnaq yeni dırnaqla əvəz olunur.