"Telefon ekranında toplanan toz və bakteriyalar üzlə təmas zamanı dəriyə otürülür".

Aztibb.az xəbər verir ki, bunu dermatoloq Leyla Zülfüqarova deyib.

O bildirib ki, üz dərimizlə gündəlik təmasda olan əşyalardan ən çirklisi mobil telefonumuzdur:

"Telefonunu müxtəlif səthlərin üzərinə qoyuruq. Gün ərzində dəfələrlə təmiz və bəzən çox da təmiz olmayan əllərimizdə tutur, baxmaq və ya danışmaq üçün ətrafdakı insanlara veririk. Unutmayaq ki, telefonu hətta cibimizə və çantamıza qoyuruq. Ekranın üzərində toz və bakteriyalar toplanır, üzlə təmas zamanı onlar dəriyə otürülür. Bu isə səpgilərə, dəri qıcıqlanmasına səbəb ola bilər".