Azərbaycan Respublikası Səhiyyə Nazirliyinin dəstəyi və Azərbaycan Pediatriya Cəmiyyətinin təşkilatçılığı ilə nazirliyin 1 nömrəli Körpələr Evində tibbi müayinə aksiyası təşkil edilib.

 

Nazirlikdən Aztibb.az-a bildirilib ki, aksiya çərçivəsində 0-3 yaş arası 56 körpə pediatr, travmatoloq, oftalmoloq, uşaq qastroenteroloqu, uşaq nevroloqu və uşaq allerqoloqu tərəfindən müayinə olunub.

 

Müayinələr zamanı uşaqların ümumi sağlamlıq vəziyyəti qiymətləndirilib, müəssisənin həkim heyətinə uşaqların qidalanması, fiziki və psixi inkişafı ilə bağlı lazımi tövsiyələr verilib.