Soyuducuda insan orqanizmi üçün təhlükəli sayılan mikroorqanizmlər var.

Aztibb.az xəbər verir ki, bu barədə ingilis alimlər araşdırma aparıb. Araşdırma nəticəsində əksər soyuducularda bağırsaq çöplərinin, salmonellaların və xəstəliklərə səbəb olan bakteriyaların olduğu təsdiqlənib.

Mütəxəssislər ən çox zərərverici mikrobların soyuducunun meyvə və tərəvəz yığılan hissəsində olduğunu qeyd edib.

Buna səbəb soyuducu qablarına yığılan meyvə və tərəvəzlər, göyərtilər yuyulmamış olur. Bu da bakteriyaların həmin hissədə çoxalmağına səbəb olur. Kənd təssərrüfatı məhsulları soyuducuya yuyularaq yığıla bilməz və bu məhsullar torpaqdan aldıqları zərərvericiləri özləri ilə soyuducuya daşıyır.

Araşdırmalar soyuducunun meyvə yığılan hissəsində hər santimetrində 7850 bakteriya olduğunun sübut edib. Bu səbəbdən də soyuducunun içərisi ən azı ayda bir dəfə qaynar su ilə yuyulmalıdır.