Yeni növ koronavirus (COVID-19) hətta simptomsuz inkişafı zamanı orqanizmə böyük neqativ təsir göstərir.
Aztibb.az medikforum.ru saytına istinadla xəbər verir ki, bu barədə həkim Yana Osintseva məlumat verib. Onun sözlərinə görə, yoluxma zamanı əsas zərbə tənəffüs və əsəb sisteminə dəyir.
Sağaldıqdan sonra bir çoxları yuxusuzluqdan, bədənin müxtəlif hissələrində ağrılardan, həmçinin tez-tez yorulmadan şikayət edirlər.
Bu problemlərdən qurtulmaq üçün həkim fizioterapiya kursu keçməyi, masajı, eyni zamanda xüsusi dərmanlar qəbul etməyi məsləhət görür. Y. Osintseva qeyd edir ki, bərpa kursunu nevroloq və ya terapevt təsdiq etməlidir.
O, ağciyərlərin ciddi zədələnməsi zamanı orqanizmi oksigenlə maksimal təchiz etməyə imkan verən tənəffüs gimnastikası etməyi, inhalyasiyanı və açıq havada gəzməyi məsləhət görür.
