Bədənin qışda infeksiyalara qarşı müdafiəsini artırmaq üçün mütəxəssislər nar yeməyi məsləhət görürlər.

Aztibb.az Medikforum.ru-ya istinadən xəbər verir ki, nar bədəndəki sərbəst radikalların fəaliyyətini azaldaraq, mövsümi xəstəliklərə qarşı müqaviməti artırmağa kömək edə bilər.

Koronavirus infeksiyana qarşı dərman hələ mövcud olmasa da, güclü immunitetin qorunmada mühüm rol oynadığı bildirilir.

Belə ki, mütəxəssislər də immunitet sistemini gücləndirməkdə düzgün qidalanmanın xüsusi rolunu vurğulayır və qışda nar istifadə etməyi məsləhət görürlər.

"C vitamini kimi uyğun element dozaları sayəsində narın antiinflamatuar və antioksidan xüsusiyyətlərə sahib olduğu qeyd edilir.

Nar qışda tənəffüs yollarının xəstəliklərinin qarşısını almaq üçün ən yaxşı vasitədir.

Dənələrindəki müxtəlif qida maddələri soyuqdəymə və COVID-19 daxil olmaqla, mövsümi infeksiyalara qarşı bədənin ilk müdafiə xəttini gücləndirməyə kömək edə bilər.

Qanı duruldur. Nar qan laxtalanması ilə əlaqəli olan beyin xəstəliklərindən və insultdan qorunmağa kömək edən ən yaxşı qidalardan biridir.

Oksigen səviyyəsini artırır. Yüksək antioksidan konsentrasiyası sayəsində istehlakı qanda oksigen səviyyəsini yüksəltməyə və daha yaxşı nəfəs almağa kömək edir.

Nar, immunitet sistemini gücləndirməklə yanaşı, artrit, erektil disfunksiya, prostat xərçəngi, ürək xəstəliyi, hipertoniya, qəbizlik kimi müxtəlif xroniki xəstəliklərlə də effektiv mübarizə aparır" - deyə, mütəxəssislər qeyd edir.