Kolumbiya Universitetinin alimləri tərəfindən aparılmış və nəticələri "Nature Immunology" jurnalında dərc olunan araşdırma çərçivəsində 47-si uşaq olmaqla 79 COVID-19-a yoluxan şəxs müayinə edilib.

Aztibb.az medimagazin.com.tr-yə istinadla bildirir ki, uşaqların 16-sının çoxsistemli iltihab sindromundan müalicə olunduğu, digər uşaqların yarısında isə COVID-19 simptomlarının olmadığı bildirilib. Müxtəlif yaşda olan böyüklər arasında da xəstəxanaya yerləşdirilən və evdə müalicə alanların olduğu qeyd olunub.

Araşdırmada uşaqların böyüklər ilə müqayisədə, COVID-19-un insan hüceyrələrini yoluxdurmaq üçün istifadə etdiyi iti uclu zülala qarşı çox az anticisim istehsal etdiyi və uşaqların anticisimlərinin minimum təsirsiz hala gətirmə fəaliyyətinə sahib oluduğu müəyyən olunub.

Həmçinin uşaqların virusun insan hüceyrələrinə yoluxduqdan sonra yalnız immunitet sistemində görünən viral zülala qarşı çox az anticisim istehsal etdiyinə dair nəticələr əldə olunub.

Bunun uşaqlarda infeksiyanın geniş yayılmadığı və çox hüceyrə öldürmədiyi anlamına gəldiyinə diqqət çəkilib.