Bu barədə Aztibb.az-a məlumat verən Liv Bona Dea Hospitalının həkimi, tanınmış ürək-damar cərrahiyyə uzmanı Cabir Gülmalıyev bildirib ki, NO istehsalının iki əsas yolu var:

1. Qidadan aldığımız nitratları (xüsusilə yaşıl tərəvəz və qırmızı çuğundur ilə) ağızdakı bakteriyalar nitritə çevirir. Nitrit isə mədə turşusu və C vitamininin köməyi ilə NO-ya çevrilir;

2. Arginin adlanan amin turşusu NOS fermenti ilə azot oksidinə çevrilir. Bu çevrilmədə iştirak edən BH4 molekuluna yenidən C vitamini lazım olur.

 

Onun sözlərinə görə, ADMA adlanan bir molekul NOS fermentinə təsir edir. Bu vəziyyətdə azotlu oksid əmələ gəlmir. ADMA istehsalı isə C vitamini və mədə qoruyucu istifadəsi zamanı artır. Tədqiqatlar bizə ADMA artımı ilə infarkt arasında bir əlaqə ola biləcəyini göstərir: "Gördüyümüz kimi, mədədən ürəyə Nitrik oksid, C vitamini və mədə turşusu üçlüyü ilə əlaqə qura bilərik".