Temperaturun yüksəlməsi hər zaman orqanizmdə baş verən zərərli proseslərdən xəbər vermir. Buna görə də, bədən temperaturunun səbəbi bilinməyən artımı zamanı hərarətsalıcı preparatlar qəbul edilməməlidir.

Aztibb.az medikforum.ru-ya istinadla xəbər verir ki, bu barədə həkim Denis Prokofyev məlumat verib.

Onun sözlərinə görə, temperaturun səbəbsiz yüksəlməsi B- və T-limfositlərin aktivləşməsi səbəbindən immun cavabına işarə edir. Belə vəziyyətdə anticismlərin yaranması sürəti artır. Həmçinin yeni bakteriyaların artımı prosesi yavaşlayır.

Nəzərə almaq lazımdır ki, 37-38 dərəcə arasında olan temperatur zamanı orqanizmin dərman preparatlarına qarşı həssaslığı aşağı düşür.