Müxtəlif səthlərin dezinfeksiyası üçün istifadə olunan məişət kimyasının hazır məhsulları tənəffüs orqanlarının işində pozuntuların inkişafı riskini yüksəldir.
Aztibb.az-ın medikforum.ru saytına istinadən məlumatıına görə, alman ekspertləri kimyəvi tərkibə malik olmayan dezinfeksiya edən vasitənin reseptini təklif ediblər.
Bu vasitəni hazırlamaq üçün su, su, sirkə və bir neçə damcı efir yağını qarışdırmaq lazımdır.
"Bu məqsədlə yarım litr su və litrin dörddə biri qədər antibakterial təsirə malik təmiz sirkə tələb olunur. Sprey başlıqlı boş şüşəyə sirkə və su qarışığı tökülür, üzərinə 20 damcı evkalipt, çay ağacı və ya lavanda efir yağı əlavə edilir. Bunlar da, həmçinin antibakterial təsirə malikdir və xoş ətir verirlər. Məhlulu diqqətlə qarışdırmaq lazımdır".
Ekspertlərin sözlərinə görə, təbii məhlul polad, taxta və plastik materialdan olan istənilən çirkli səthlərin yuyulması üçün mükəmməl vasitədir.
