Ordubad Rayon Mərkəzi Xəstəxanasında 93 yaşlı pasiyent üzərində həyata keçirilən cərrahi əməliyyat uğurla başa çatıb.
Bu barədə Aztibb.az-a Naxçıvan MR Səhiyyə Nazirliyindən xəbər verilib.
Vətəndaş 93 yaşlı Bayram Quliyev sol bud sümüyü boynunun sınığı diaqnozu ilə Ordubad Rayon Mərkəzi Xəstəxanasına müraciət edib.
Ortoped-travmatoloq, cərrah Elşən Paşayev tərəfindən uğurla icra olunan sol bud çanaq oynağının bipolyar endoprotezləşdirilməsi əməliyyatından 1 gün sonra xəstə ayağa qaldırılaraq gəzdirilib. Hazırki vəziyyəti qənaətbəxş qiymətləndirilir.
Qeyd edək ki, muxtar respublikada rayon xəstəxanalarında ixtisaslaşdırılmış tibbi xidmətlərin təkminləşdirilməsi və keyfiyyətinin yaxşılaşdırılması istiqamətində davamlı intensiv işlər görülür. Nəticə olaraq, bir sıra mürəkkəb əməliyyatlar artıq region xəstəxanalarında da uğurla icra olunur.
