Həkim və diyetoloqlar arteriyaları effektiv təmizləyərək və orqanizmin qan dövranını yaxşılaşdıraraq damarların tıxanmasının qarşısını alan məhsulların adlarını açıqlayıblar.

Aztibb.az medikforum.ru-ya istinadla xəbər verir ki, arteriyaların yaxşı formada saxlanılması üçün gündəlik qida rasionumuza diqqət etmək böyük əhəmiyyətə malikdir. Arteriyaların elastikliyinin, yaxşı keçiriciliyinin və qan axınının təsiri altında genişlənmək qabiliyyətinin saxlanılması üçün bir sıra məhsullar mövcuddur. Bunun üçün mütəxəssislər rasiona aşağıdakı məhsulları əlavə etməyi məsləhət görürlər:

Zərdəçal (sarıkök). Ədviyyat kardioqoruyucu xüsusiyyətlərlə malik, arteriyaların divarlarının zədələnməsini azaltmağa kömək edən kurkumin inqrediyentinə malikdir.

Sarımsaq. Tədqiqatlar göstərir ki, sarımsaq aterosklerozun inkişafını yavaşladaraq və arterial təzyiqin səviyyəsinin düşməsinə imkan yaradaraq ürək xəstəliklərinin qarşısını alır.

Zəncəfil. Bu ədviyyat ürəyi müdafiə edən güclü birləşmələr olan qinqerol və şoqaollara malikdir.

Bunlarla yanaşı, limon, darçın, kətan toxumu, zeytun yağı, nar şirəsi, qəhvə, çərəzlər də arteriyaların təmizlənməsində böyük rol oynayır.