Kaliforniya Universiteti və Londonun Kral Kollecinin alimləri tərəfindən aparılmış tədqiqata əsasən, qulaq mumu nümunələrinin alınmasının yeni üsulu stress hormonu olan kortizolun səviyyəsinin ölçülməsinin ucuz və effektiv metodu ola bilər.

Aztibb.az medikforum.ru-ya istinadla xəbər verir ki, "Heliyon" jurnalında dərc edilmiş nəticələr stresə bağlı depressiya və digər vəziyyətlərin monitorinqinin yeni üsullarını təqdim edir. Yeni qurğunu kliniki müşahidə olmadan evdə istifadə etmək mümkündür. O, potensial olaraq qlükoza və ya COVID-19 anticisimlərinin səviyyəsini də ölçə bilər.

Aparıcı tədqiqatçı doktor Andres Heran-Vives qeyd edir: "Kortizol hormonu səviyyələri enib-yüksəldiyindən onun analiz üçün toplanması son dərəcə çətindir. Lakin qulaq mumunda kortizol səviyyələri daha sabit görünür. Yeni qurğumuzla nümunəni asan, tez, ucuz və effektiv götürmək və onu analiz etmək mümkündür".