İsraildə COVID-19-a qarşı "BriLife" adlandırılmış vaksinin kliniki sınaqlarına başlanılıb. İsrail Bioloji Tədqiqatlar İnstitutu tərəfindən hazırlanmış vaksini bu ay təxminən 80 könüllü iki xəstəxanada sınaqdan keçirəcək. Onların yarısı real vaksini, digər hissəsi isə plasebo alacaq.

Aztibb.az meddaily.ru-ya istinadla xəbər verir ki, sonrakı üç həftə ərzində alimlər könüllülərdə koronavirusa qarşı anticismilərin istehsal edilib-edilmədiyini müşahidə edəcəklər. Sınaqların vaksinin təhlükəsizliyinə dair testləri ehtiva edən ikinci mərhələsi dekabra planlaşdırılıb. Bu mərhələdə 960 könüllü iştirak edəcək. Nəhayət, üçüncü, final mərhələsi (ən yaxın 6 ay ərzində baş tutacaq) çərçivəsində vaksinin effektivliyi 30000-ə qədər insan üzərində yoxlanılacaq.

Mütəxəssislər vurğulayırlar ki, koronavirusa qarşı ən etibarlı müdafiə eyni zamanda infeksiyaya yoluxmuş və peyvənd olunmuş insanlarda müşahidə olunacaq.

Həkim immunoloq-allerqoloq Vladimir Bolibok şərh edir: "COVID-19-u keçirmiş və anticismlərə malik insanlar üçün bu vaksin təkrar peyvənd kimi xidmət edəcək. Onlar antigen alacaqlar və daha çox müdafiə əldə edəcəklər".