Həkim-terapevt və qastroenteroloq Nikita Xarlov “Sputnik” radiosuna müsahibəsində ilin qış fəslində düzgün qidalanmanın köməyi ilə immunitetə kömək etməyin xüsusilə əhəmiyyətli olduğunu bildirib.

Aztibb.az lenta.ru-ya istinadən xəbər verir ki, mütəxəssis yağların istifadəsinin orqanizmə ziyan vurması barədə yayılan fikrin kökündən yanlış olduğunu açıqlayıb.

"İndi immunitet aktual mövzudur. İmmunitetin qorunması üçün qidada heyvan mənşəli yağlardan istifadə etmək lazımdır", - deyə həkim bildirib.

Onun sözlərinə görə, orqanizmi viruslardan, o cümlədən koronavirusdan müdafiə edən selikli qişa yağlardan qurulur. Bunlardan ən təhlükəsiz və faydalısı heyvan yağlarıdır: "Onları hazırlamaq və qidada normal miqdarda istifadə etmək olar. Siyahıda təhlükəsizliyinə görə ikinci yerdə "Omeqa-3" yağları yer alır. Bu, treska balığının qaraciyərin yağıdır. Bu cür yağlar qısa zamanda oksidləşirlər".

Nikita Xarlov əlavə edib ki, rasiona qaz, mal əti və ya donuz, ayı piyini də daxil etmək olar, amma orqanizm bitki yağlarına daha pis uyğunlaşıb.