Aztibb.az lenta.ru-ya istinadla xəbər verir ki, bunu Bexterev adına Psixiatriya və Nevrologiya Mərkəzinin rəhbəri Tatyana Karavayeva bildirib.

 

Bu xəstələrdə beyin, şüur, psixikada ciddi yayınmalar baş verir, vaxtında aşkarlanıb müalicə olunmazsa intihar həddinə kimi çata bilər.

 

Xəstəlikdən sonrakı posttravmatik sindrom çox təhlükəlidir. Ciddi həyati təhlükə keçirmiş hər bir şəxsdə bu pozulma yarana bilər. Amma əvvəl bunu müharibə qurbanlarına aid edirdiksə, indi koronavirus pandemiyası dövrü insanlarına şamil etmək olar.

 

“COVID-19 virusuna yoluxması diaqnozunu öyrənən insan, bununla mübarizə aparan, müalicə alan, xəstəxanada yatan və ordakı vəziyyəti görən insan xərçəng diaqnozunu alan xəstə kimidir. Stress dozası eyni miqdardadır.

 

Onkoloji xəstəyə yenə ümidlə 5-6 ay yaşayacaqsan deyirlər, koronavirusda isə ölüm günlər içində baş verə bilər. Burda müddət də azdır. Xəstələr ölməsələr belə sağalana kimi ölüm qorxusu ilə yaşayırlar.

 

Ona görə də xəstələr diaqnoz qoyulandan sonra və müalicə bitdikdən sonra psixoterapevtik müalicə seansları almalı, psixoloq dəstəyi görməli, bu travma ilə baş-başa qalmamalı, dərinləşdirməməlidirlər".