İsveçrə və İngiltərə alimlərinin məşhur tibbi jurnal olan "The Lanset"də çap etdirdikləi məqalədə homeopatik dərmanların faydasız olduğunu və onların heç bir təsir mexanizmlərinə malik olmadığını bildiriblər.

Aztibb.az-ın məlumatına görə, 2002-ci il Amerikada Ceyms Rendi Fondu homeopatik dərmanların insanları sağaltmasına dair sübutlar gətirən adama 1 milyon dollar mükafat verəcəyini vəd edib. Hələ ki, bu mükafatı qazanan olmayıb.

Bern və Surix universitetlərinin professorları və Britaniyanın Bristol Universitetinin alimləri birgə 110 laborator testlə müşahidələr apararaq heç bir homeopatik dərmanın faydası haqqında nəticə əldə etməyiblər.

Alimlər homeopatik dərmanlarla müalicə üsulunun saxlanılmasını və həkimləri xəstələrlə vicdanlı olmağa səsləyirlər.

Professor Eqqer homeopatik dərman qəbul edən adamın vəziyyəninin yaxşılaşmasını psixoloji təsirlə əlaqələndirir. Belə ki, xəstə dərmanı qəbul edən zaman sağalacağına inanır və onun vəziyyəti nisbətən yüngülləşir.

Ola bilər ki, homeopatiyanın terapiyası ilə məşğul olan həkimlər və bəzi xəstələr yuxarıda adları çəkilən alimlərin fikirləri ilə razılaşmasınlar. Bu işin ekspertləri uzun müddət bu cür müalicə metodu ilə işləyən həkimlərin birdən-birə dayanmalarının mümkün olmadıqlarını söyləyirlər.