Amerikalı dietoloq Maya Feller və həkim Samanta Elkrif səhər yeməyində yeyilməsi mütləq olan müəyyən qidaları açıqlayıblar.

Aztibb.az xəbər verir ki, bu barədə "Huffington Post" xəbər portalında məlumat paylaşılıb.

Dietoloq Feller qeyd edib ki, avokado sağlam səhər yeməyi olaraq ən yaxşı maddələrdən biridir:

"Avokadodan sendviç hazırlaya bilərsiz. Çörəyin üzərinə yağ çəkin, avokadonu qoyub, zirə toxumu, qara bibər və duz səpərək yeyin. Və ya avokadonun yarısını yumurta ilə bişirə bilərsiniz. 

Daha bir dəyərli məhsul isə yumurtadır. Yumurta kolin və sink baxımından zəngindir. Həmçinin 2 yumurtada olan 12 qram protein qanda şəkər səviyyəsini sabitləşdirməyə kömək edir. 

Süzülmüş qatıq da istifadə edə bilərsiniz. Bağırsaq və beyin arasında tam araşdırılmamış bir əlaqə var. Buna görə də bağırsaq mikroflorası üçün faydalı olan qidalar həm həzm sistemini, həm də beyin sağlamlığını yaxşılaşdırmağa kömək edə bilər."

Həkim Samanta Elkrif qızıl balıq və ya başqa bir yağlı balıq yeməyi tövsiyə edir:

"Balıqlarda Anksiyete simptomlarını azaltmağa kömək edə biləcək omeqa-3 doymamış yağ turşuları var. Bundan əlavə, qızıl balıq iltihab əleyhinə xüsusiyyətlərə malikdir və yaxşı bir protein mənbəyidir.

C vitamini ilə zəngin giləmeyvə və yulaf yarması da faydalıdır. Sıyıq gününüzə yalnız kalsium, dəmir, maqnezium, kalium və B5 kimi təsirli bir mikroelement dozası ilə başlamağa imkan verməyəcək, həmçinin uzun müddət aclığı doydurmağa və gün ərzində qan şəkərinin səviyyəsini qorumağa kömək edəcək", - deyə həkim qeyd edib.