Gəncə Şəhər Birləşmiş Xəstəxanasında ilk dəfə bud-çanaq oynağının endoprotez əməliyyatı icra olunub

TƏBİB-dən Aztibb.az-a bildirilib ki, tibb müəssisəsinin nəzdində olan Abbas Səhhət adına xəstəxanaya müraciət edən 92 yaşlı (kişi cinsli) pasiyent üzərində həyata keçirilən bud-çanaq oynağının bipolyar artroplastikası (endoprotez) əməliyyatı icbari tibbi sığortanın Xidmətlər Zərfi çərçivəsində uğurla icra olunub.

Yıxılma səbəbilə xəstəxanaya müraciət edən və sağ bud sümüyünün yerini dəyişmiş qəlpəli sınığı diaqnozu qoyulan pasiyentin əməliyyatı uğurla başa çatıb.

Tibb müəssisəsinin həkim-travmatoloqu Rahib İsgəndərzadə və həkim-reanimatoloq-anestezioloq Tural Rzazadə tərəfindən həyata keçirilən əməliyyat növü xəstəxanada ilk dəfə icra olunub.

Əməliyyatdan sonra pasiyentə hər bir zəruri tibbi xidmət göstərilib və ambulator müalicə üçün evə buraxılıb.